Според пишаните извори, градот на локалитетот „Чебрен“ во близина на село Зовиќ во средниот век се викал Чемрен.
Градот Чемрен, според историските податоци, сè до 1331 -34 година, кога бил освоен од царот Душан, се наоѓал во рамките на Византиското царство. Со доаѓањето на Турците градот престанал да егзистира, а на неговото место останало мало селце со манастирот „Св. Димитрија“ познат и денес како „Чебрен“.
Скица со реконструкција на изглед на средновековниот град Чемрен со обѕидието зајакнато со неколкуте кули.
Селцето полека исчезнало, а останал само манастирот кој уште во почетокот на 18 век имал училиште за свештеници кои вршеле служба по црквите низ областа Мариово. Манастирот бил многу развиен се до првите децении на дваесетиот век, по што тој полека пропаѓа оставен за забор на времето.
Остатоци од Св.Димитриј пред реконструкцијата. Фотографии од 1980 г
Сепак, со напори на месното население од с. Зовиќ, животот полека почнал да се враќа во овој манастир, па така при крајот на XX век е обновен храмот Св. Димитриј кој потекнувал од XV век и од кој единствено останал олтарниот дел.
Обновениот храм е со помали димензии и денес сеуште можат да се видат темелите на стариот храм, според кои може да се заклучи дека истиот бил со импресивна димензија.
Влез во манастирот
Како до Чебрен
Комплексот Чебрен е лоциран по течението на Црна Река на 5,5 км од с. Зовиќ. Пред селото се скршнува лево и се вози приближно 1 ч по пат наменет единствено за теренски возила. Втора варијанта претставува прошетката низ живописната природа, која зависно од временските услови трае приближно час и половина од с. Зовиќ.
Манастирот го слави Ѓурѓовден (5 и 6 мај).
